عاجل : الريس أتخطف يا رجالة

عاجل : الريس أتخطف يا رجالة

صححنا الغلط

مرة واحد راح الأستفتاء علي رئيس الجمهورية

راح صوت بـ لا

و بعدين و هوه في السكة قال في نفسه

أيه اللي انته هببته ده أنت مش عارف انهم بيعرفوا كل حاجة

أنت عايز تودي نفسك في داهية

-راح راجع تاني اللجنة و قالهم يا جماعة

معلش أصل انا غلطت و كتبت لا لمبارك

و أنا ندمان و جاي أصلح غلطتي

قالو له متخفش إحنا صلحناها بعد ما انت مشيت

بس ما تعملش كده تاني

هريدي

مرة واحد أسمه هريدي فتح محل سماه : هريدي إخوان

راحوا قبضوا عليه بتهمة الإنتماء للإخوان

راح غير إسم المحل خلاه: هريدي و شركاه

راحوا قبضوا عليه بتهمة الإنتماء للحزب الشيوعي

راح غير إسم المحل خلاه : هريدي وحده لا شريك له

ـراحوا بتعوع الجهاد قتلوه

يعني خسارة في جما ل شقتين

مرة رئيس الوزراء راح للريس قاله يا ريس فيه مشكلة

قاله أيه خير

قاله جمال عايز شقة في الأسكندرية

قال و ماله أديله أيه المشكلة

قاله أصله كمان عايز شقة في أسوان

قاله و ماله أديله أيه المشكلة

ـقاله أصله يا ريس عايز يفتح الشقتين علي بعض

الشيطان قرر أن يترك مصر

قرر الشيطان أن يترك مصر

ففزع المعلمين بتعوع الفساد

و قعدوا يتحايلوا عليه علشان ميسبهمش لوحدهم

و قالوا له طيب قولنا بس أيه اللي زعلك

قالهم يعني أنا أساعد الواحد فيكم أنه يسرق و ينهب و يختلس

و بعدين لما الواحد فيكم يبقي معاه فلوس كثير

و يفتح شركة محترمة و يكون عنده مكتب فخم

في الأخر آلاقيه معلق لوحة مكتوب عليها

هذا من فضل ربي

مين اللي بيخاف أكثر

مرة الرئيس سأل رئيس الوزراء

أنا أشجع و لا عبد الناصر

قاله: أنت طبعاً يا ريس

فأستغرب الريس فقاله : ليه؟

رئيس الوزراء: عبد الناصر كان بيخاف من روسيا انت ما بتخافش

الريس: طيب .. مين أشجع أنا ولا السادات

رئيس الوزراء: أنت طبعاً

رد الريس بتعجب : أنا ازاي

رئيس الوزراء: السادات كان بيخاف مكن أمريكا انت متخافش

طيب قولي بصراحة مين أشجع أنا ولا عمر بن الخطاب؟؟

رئيس الوزراء بدون تردد: أنت طبعاً يا ريس

فتعجب الريس : أنا أزاي ..؟

رئيس الوزراء: عمر بن الخطاب كان بيخاف من ربنا أنت لا يا ريس

بيمسكوا الحمير

ضبطوا ثعلب بيحاول يهرب على الحدود

و لما سألوه عاوز تهرب ليه من البلد ؟

قاللهم اصلهم بيعتقلوا الحميركلهم

قالوا له و انت مالك ومال الحمير ؟

قاللهم و أنا أضمن منين أني أعرف أثبت أني ثعلب

خلي الشعب يفرح

مرة الرئيس كان راكب طائرة، فنظر من النافذة وقال لحاشيته

لو رميت مائة جنيه من الطيارة ... يحصل إيه ؟

رد واحد و قاله : حيلاقيها واحد من الشعب و يفرح بيها

قاله : و لو رميت ألف جنيه من الطيارة ... يحصل إيه ؟

رد واحد تاني و قاله : حيلاقيها مجموعة من الشعب و يفرح بيها

اقام واحد ثالث قاله

و لو رميت نفسك من الطيارة كل الشعب حيفرح

توكيل الزلط

بيقلك الريس كان في غرفة الأنعاش و كان يطمئن علي مستقبل أولاده
ـ
قال لرئيس الوزراء ، عيالي عيالي حيجوعوا من بعدي

ـ

قاله يا ريس متخفش ، البلد كله بتاعتهم متخفش عليهم
ـ

قاله طيب و الشعب حيأكل أيه ، قاله الشعب يأكل ظلط يا افندم
ـ

و بعدين الرئيس أغمي عليه
ـ
و بعد شوية فاق و قال لرئيس الوزراء
ـ
توكيل الزلط ، توكيل الزلط

ـ

أوعي حد يأخده غير جمال

أبو شريكي

مرة واحد من السياح دخل يحلق في أحد الصالونات

فلقي الحلاق معلق صورة جمال عبد الناصر و السادات و حسني مبارك

قال مين دول

قاله يا سيدي الأول ده جمال عبد الناصر ، قاله و ده عمل أيه

قاله ده قائد الثورة

و التاني يا سيدي السادات ، قاله و ده عمل أيه

قاله ده قائد حرب 73

و الثالث يا سيدي ، حسني مبارك ، قاله و ده عمل أيه

قاله ده أبو شريكي

أنا فرض عليكم

مرة الريس أستدعي رئيس الوزراء علشان يقول له علي التعديلات الوزارية الجديدة

و كل ما يقول له علي أسم حيتغير يقول ليه بس كده يا ريس ده معانا من زمان

و اللي نعرفه أحسن من اللي منعرفهوش ، يقوم الرئيس يقوله

التغيير سنة الحياة

و بعدين راح الرئيس قال لرئيس الوزراء

و انت كمان حتتغير قال أنا كمان يا ريس ليه بس كده ، قام الرئيس قال له

التغيير سنة الحياة

قام رئيس الوزراء قايل للريس

طب لا مؤاخذة يا ريس معلش اشمعني انت مش بتتغير

راح الرئيس قايل له

أنا فرض عليكم يا كلاب

مبروك يا ريس

مرة الرئيس الأمريكي قال للرئيس المصري

يا أخي أنا عايز أعرف إزاي بتكسب الإنتخابات في مصر بالنسب الكبيرة ديه

قام الرئيس المصري قال له ديه حاجة سهلة أنا حأبعت الرجالة بتوعي بتوع الأنتخابات يساعدوك و يظبطولك المسائل

جه الرئيس بعت اللجنة إياها ، علشان يظبطوا الرئيس الأمريكي

و في يوم الأنتخابات بالليل و بعد الفرز لقي الرئيس الأمريكي بيتصل بيه

و بيقول له الله يخرب بيتك زي ما خربت بيتي و طب ساكت

الرئيس استغرب راح اتصل برئيس اللجنة راح أول ما رد عليه قال له

مبروك يا ريس كسبت الرئيس الأمريكي بإكتساح

البوليس بتاعنا

مرة عملوا مسابقة بين أجهزة البوليس في العالم

علشان يشوفوا مين اللي أشطر

المسابقة عبارة عن مين اللي يصاد غزالة من الغابة قبل التاني

الأمريكان أصطادوا الغزال بعد يومين و محاط بكتيبة مارينز في عربية هامر

و الأوربيين أصطادوا الغزال بعد 3 أيام و جايبنه مع بتوع حقوق الإنسان و ربطين فيونكه في رقبته

ــ

أما البوليس بتاعنا ففي خلال ساعتين كانوا جابيين حمار معترف علي نفسه انه غزال

عاجل : الريس أتخطف يا رجالة

مرة عصابة خطفت الريس و طلبت فدية مليون جنيه أو يولعوا فيه بجاز

فراحوا لسواق تاكسي قالوا له الريس أتخطف

و إحنا بنلم له أحسن يولعوا فيه بجاز

تحب تشارك معانا ، قال لهم بلهفة شديدة طبعاً أحب أشارك

قالوا هه حتشارك بكام

قال لهم أشارك بـ 2 لتر جاز

ناس مثقفة

مرة الناس بتوع الفكر الجديد و العبور للمستقبل

قالوا يا ريس إحنا عايزيينك تيجي و تقابل الشباب بتوعنا

و تسألهم و تشوف هما مثقفين قد ايه

راح الريس قلهم ماشي و راح قعد معاهم و قعد سألهم علشان يشوف هما مثقفين و لا لأ

أول سؤال كان في الدين

قال لهم عارفيين غزوة بدر كانت بين مين و مين

قالوا له آه طبعاً كانت بين المسلمين و الكفار و المسلمين انتصروا

قال كويس و الله انتم بتفهموا في الدين اهوه

ـتاني سؤال كان في الرياضه

قال لهم عارفيين كأس مصر السنة اللي فاتت كان بين مين و مين

قالوا له آه طبعاً كان بي الأهلي و الزمالك و الأهلي اللي كسب

قال كويس و الله انتم كمان بتهموا في الرياضة

طلع الكبير بتاعم و عايز يتفلحس و راح قايل

ـو بكده يا ريس نقدر نؤكد لسيادتك

أن الزمالك و الكفار حيلعبوا علي الثالث و الرابع